كيف ترسل رسالة دولية بسعر 6 قروش للرسالة
فى حين ان كل شبكات المحمول فمصر سعر الدقيقة فيها 1 جنيه
طيب ازاى اولا لازم يكون عندك الحجات البسيطة اوى دى
1 - ايميل على الجيميل Google
2 - خط موبينيل
الخطوات
1-طبعا هتعمل حساب على الجيميل لو معندكش من هنا
2-هتفتح صفحة الايميل و تحت على الشمال هتلاقى المكان الى تحط فيه الرقم زى الصورة دى
ملحوظة : لو الشات عندك خد الشكل الجديد hangout هتدوس على السهم الصغير الى جنب صورتك و تختار
Revert to old chat
3-بعدين تدوس ارسالSMS
4- هتدخل اسم الى هتبعتله و هو هيعرف البلد طالما دخلت الرقم صح و نعمل حفظ
5- هتلاقى الاسم نزل فى القايمة بتاعت اجهات الاتصال هتضغط عليه هتفتح نافذة شات و تبعتله زى ما انت عاوز كل ضغطه على كلمة اسال بتتحسب رسالة
جوجل مدياك فبداية الموضوع 50 رسالة ولو خلصوا و بقى رصيدك صفر تانى يوم هيزيد الرصيد نقطة واحدة طيب افرض انتوا بتبعتوا رسايل دولى كتير زى حلاتى و موضوع الرسالة الواحدة كل يوم مش نافع هنعمل ايه
انزل اشترى خط موبينيل لو مش عندك انا اشتريته من محطة متروا و كان تمن الخط 1 جنيه فقط لا غير و بالمرة هاتلك كارت شحن باى فيمه انت عاوزها
طيب اكيد دلوقتى بتسال اشمعنى موبينيل .. هقولك لان الخدمة دى بتشتغل فمعظم البلاد و معظم الشبكات و مصر منها بس مصر متقدرش تبعت الا لموبينيل بس لان بقيت الشبكات مش مشتركه فى الخدمة دى
طيب اكيد انت برضوا مش فاهم لسه لسه اشتريت خط موبينيل ؟؟ .. لان الخدمه دى لو انت بعت رساله من صفحة جوجل لحد وهو رد عليك هيزيد رصيدك خمس نقط ب 5 رسايل
فا انت هتبعت من الموقع رساله لنفسك على خط موبينيل و نقوم من موبايلك رادد ( على نفس الرسالة بنفس الرقم الى هتتبعتلك منه ) برساله تمنها 29 قرش فيزيد رصيدك فجوجل خمس نقط
ملحوظة : الرساله الى هتتبعتها هتكون مش برقمك هتكون برقم مختصر و مبعوت فيها نص الرساله الى هتكتبه و ايميلك على الجيميل .. قبتالى سواء انت او الى هتبعتله لو حب يرد هيرد على الرقم الى جات منه الرساله مش رقمك انت لو عاوز يتحسب رصيد .. طيب لو انت او الى بعتله رد هتوصل فيين ؟؟ على صفحة جوجل مش على موبايلك
الرد بيتحسب رساله محليه مش دولة و دى مصلحة لان تمنها رخيص ليك او للى هيرد عليك
و عشان تزود رصيد من خلال خطك انت الموبينيل هتضيف الرقم فصفحه جوجل لنفس الطريقة الى وضحناها فى الصور الى فاتت
طيب ايه البلاد و الشبكات الى بتدعمها الطريقة دى ؟؟
دا رابط فيه كل البلاد عشان تعرف قبل ما تبعت
ممكن يكون الطريقه دى ناس كتير تعرفها او لا الله اعلم
و بما ان الطريقة رسمى 100% و مفهاش اى نصب او تحايل على اي حد او باى شكل
ادعولى يكون الموضوع فرصيد حسناتى و حسناتكم ان شاء الله
و اخيرا Share عشان الناس تستفيد :)
ليست هناك تعليقات:
إرسال تعليق